Արտյոմ Գեղամյանը ծնվել է 1980 թ., Եղվարդ քաղաքում: Արտյոմն իրավագիտության բակալավր է և ավարտելով Երևանի պետական ​​համալսարանի իրավաբանական ֆակուլտետը ստացել է մագիստրոսի աստիճաններ, այնուհետև Հայաստանի պետական ​​կառավարման ակադեմիայում պաշտպանելով «Եվրոպական միության իրավունք» թեմայով ատենախոսություն՝ ստացել է իրավաբանական գիտությունների թեկնածուի աստիճան, ունի իրավագիտության մագիստրատրոսի աստիճան IU Robert H. McKinney իրավաբանական դպրոցից և հանրային կառավարման մագիստրոսի կոչում՝ Հարվարդի համալսարանի Ջոն Էֆ. Քենեդու անվան կառավարման դպրոցից:

Արտյոմ Գեղամյանը իր մասնագիտական ​​գործունեությունը սկսել է Հայաստանի դատական ​​համակարգում, որտեղ մասնագիտացել է առևտրային վեճերի ոլորտում և նպաստել է Հայաստանի քաղաքացիական օրենսդրության և ընթացակարգի բարեփոխմանը: Որպես պետական ​​կառավարման ակադեմիայի ասպիրանտ, նա դասավանդել է Եվրոպական միության իրավունք և ՄԻԵԴ -ի պրակտիկան Հայաստանի տարբեր ակադեմիական հաստատություններում: Որպես Եվրոպայի խորհրդի Մարդու իրավունքների եվրոպական դատարանի վճիռների կատարման վարչության իրավաբանական պատասխանատու՝ Արտյոմն աջակցել է Նախարարների կոմիտեին որոշ անդամ երկրների, այդ թվում ՝ Հայաստանի, Ֆինլանդիայի, Շվեդիայի, Մալթայի և Լեհաստանի կողմից ՄԻԵԴ վճիռների կատարման վերահսկման գործում: Եվրոպայի խորհրդում Արտյոմի աշխատանքային փորձը կարևոր նշանակություն ունեցավ մարդու իրավունքների վերաբերյալ նրա փորձի և գիտելիքների պաշարի ընդլայնման համար` մարդու իրավունքների միջազգային իրավունքի ավելի լայն համատեքստում: Մարդու իրավունքները և քաղաքական ինստիտուտների բարեփոխումները այժմ էլ գտնվում են Արտյոմի մասնագիտական հետաքրքրությունների կենտրոնում ՝ որպես Հարվարդի Քենեդու անվան Մարդու իրավունքների քաղաքականության դպրոցի Carr կենտրոնի շրջանավարտ, որտեղ վերջինիս ուսումնասիրության թեման հանդիսացել է անցումային արդարադատության հիմնախնդիրները հիմնականում Արևելաեվրոպական և հետխորհրդային պետություններում։

Արտյոմ Գեղամյանը որոշ ժամանակ զբաղեցրել է Հայաստանի արդարադատության նախարարի տեղակալի պաշտոնը և կարողացել է իր ներդրումն ունենալ դատական, քրեակատարողական և նոտարական համակարգերի բարեփոխումների գործում:

Որպես փաստաբան, ով մասնագիտական գործունեություն է ծավալում ինչպես ԱՄՆ Նյու Յորքի նահանգում, այնպես էլ Հայաստանում, Արտյոմը ներկայումս վստահորդների շահերն է ներկայացնում միջազգային առևտրային արբիտրաժներում: Նա հանքարդյունաբերության, էներգետիկայի և ենթակառուցվածքների առաջատար իրավաբանական փորձագետներից է, ինչպես նաև մասնագիտացած է կորպորատիվ իրավունքի բոլոր ոլորտներում՝ մասնավորապես պարտքի վերակազմավորման, անդրսահմանային ապահովված գործարքների և ապրանքների առևտրի բնագավառներում:

Խորհրդի նախագահ

Կրթություն: Էդմոն Մարուքյանն ունի մագիստրոսական երկու աստիճան, որոնցից մեկն ստացել է ՀՀ պետական կառավարման ակադեմիայում՝ «Իրավագիտություն» մասնագիտությամբ, երկրորդը՝ ԱՄՆ Մինեսոտայի համալսարանի իրավունքի դպրոցում՝ «Մարդու իրավունքներ և միջազգային իրավունք» մասնագիտացմամբ։

Մասնագիտական փորձ։ Էդմոն Մարուքյանը որպես փաստաբան զբաղվել է մարդու իրավունքների պաշտպանությամբ և 2011թ. հիմնադրել ու ղեկավարել «Ռազմավարական դատավարությունների կենտրոն» իրավապաշտպան հասարակական կազմակերպությունը։ Սկսած 2001-ից նա մասնագիտացել է մարդու իրավունքների պաշտպանության ոլորտում և զգալի դերակատարում ունեցել Հայաստանում ժողովրդավարության զարգացման և քաղաքացիական հասարակության կայացման հարցում։ Նա աշխատել է որպես իրավախորհրդատու, իրականացրել դատական ներկայացուցչություն՝ պաշտպանելով քաղաքացիների իրավունքները դատարանում՝ ընդհուպ մինչև Մարդու իրավունքների եվրոպական դատարան։

Մարուքյանը 2010-2012թթ. հանդիսացել է «Human Rights Watch» միջազգային կազմակերպության խորհրդատու՝ իրականացնելով հետազոտություններ մարդու իրավունքների խնդիրների ոլորտում, ինչպես նաև կազմելով հայտարարություններ, զեկույցներ, այլ կարևոր փաստաթղթեր։

Էդմոն Մարուքյանը 3 անգամ անընդմեջ ընտրվել է Ազգային ժողովի պատգամավոր՝ առաջին անգամ խորհրդարանի անդամ դառնալով 2012-ին։

2015թ. դեկտեմբերին իրենց մասնագիտական ոլորտներում հաջողած, քաղաքականությամբ հետաքրքրված և Հայաստանում ժողովրդավարության զարգացմանը նպաստելու ցանկություն ունեցող, գաղափարակից երիտասարդների հետ համատեղ Էդմոն Մարուքյանը հիմնադրել է «Լուսավոր Հայաստան» կուսակցությունը։

2016թ. հոկտեմբերին 02-ին «Լուսավոր Հայաստան» կուսակցությունը մասնակցել է Վանաձոր քաղաքի (3-րդ ամենամեծ քաղաքը Հայաստանում՝ 80.000 բնակչությամբ) տեղական ընտրություններին և զբաղեցրել 2-րդ տեղը՝ զիջելով միայն իշխող ուժին և ստանալով ավագանու 33 մանդատներից 10-ը։

2016թ. դեկտեմբերի 12-ին «Լուսավոր Հայաստան» կուսակցությունը՝ «Քաղաքացիական պայմանագիր» և «Հանրապետություն» կուսակցությունների հետ համատեղ, ձևավորել է «Ելք» դաշինքը, որի որոշմամբ Էդմոն Մարուքյանը գլխավորել է դաշինքի համամասնական ընտրական ցուցակը 2017թ. ապրիլի 02-ի խորհրդարանական ընտրություններում։ Խորհրդարանական ընտրությունների արդյունքներով «Ելք» դաշինքը դարձավ 105 անդամից բաղկացած նոր խորհրդարանը ձևավորած 4 քաղաքական ուժերից 3-րդը։ «Ելք» դաշինքն Ազգային ժողովում ներկայացված էր 9 պատգամավորով։

2018թ. դեկտեմբերի 09-ին կայացած արտահերթ խորհրդարանական ընտրություններին մասնակցում էին 11 քաղաքական ուժ, որոնցից, սակայն, խորհրդարան անցան 3-ը։ «Լուսավոր Հայաստան» կուսակցությունը՝ Էդմոն Մարուքյանի գլխավորությամբ, ընտրություններում զբաղեցրեց երրորդ տեղը՝ ստանալով խորհրդարանի 132 մանդատներից 18-ը։

Էդմոն Մարուքյանը եղել է Ազգային ժողովի հետևյալ հանձնաժողովների անդամ՝

• Արտաքին հարաբերությունների, Պաշտպանության, ազգային անվտանգության և ներքին գործերի, Պետական-իրավական  հարցերի (5-րդ գումարում),
• Պետական-իրավական և մարդու իրավունքների պաշտպանության հարցերի (6-րդ գումարում),
• Արտաքին հարաբերությունների մշտական հանձնաժողովներ (7-րդ գումարում)։

Միևնույն ժամանակ Էդմոն Մարուքյանը հանդիսացել է Եվրոպայի խորհրդի խորհրդարանական վեհաժողովի (ԵԽԽՎ) անդամ, որտեղ անդամակցել է հետևյալ հանձնաժողովներին՝

• Մարդու իրավունքների և իրավական հարցերով հանձնաժողով (հանձնաժողովի նախագահի առաջին տեղակալ),
• Մարդու իրավունքների եվրոպական դատարանի դատավորների ընտրության հարցերով հանձնաժողով,
• Եվրոպայի խորհրդի անդամ պետությունների պարտականությունների և պարտավորությունների կատարման հանձնաժողով (Մոնիթորինգի հանձնաժողով),
• Հավասարության և խտրականության արգելքի հանձնաժողով։

Լեզուների իմացություն։ Հայերեն, ռուսերեն, անգլերեն

Խորհրդի անդամ

Դիպլոմային պրակտիկաներ է անցել ֆրանսիական «Crédit Coopératif» բանկում և ՀՀ պաշտպանության նախարարության Պաշտպանական քաղաքականության վարչությունում (1 և 5 ամիս համապատասխանաբար)։ Ավարտական թեզը գրել է երկակի նշանակության ապրանքատեսակների արտահանման լիցենզիայի հետ կապված օրենսդրական բացերի մասին։

Աշխատել է դատական համակարգում (1 տարի), այնուհետև խորհրդարանում (9 տարի)՝ նախապես որպես անկախ պատգամավոր Էդմոն Մարուքյանի օգնական, այնուհետև՝ որպես «Ելք» խմբակցության, «Լուսավոր Հայաստան» խմբակցության փորձագետ՝ իրավաքաղաքական գծով։

Փաստաբանական գործունեության շրջանակներում, ի թիվս այլնի, ներկայացրել է խմբակցության և դրա առանձին անդամների շահերը դատարանում, ինչպես նաև որպես փորձագետ, իրականացրել խմբակցության անունից Ազգային ժողով, Կառավարութուն, Սահմանադրական դատարան, առանձին գերատեսչություններ և այլ մարմիններ ուղղված իրավական-քաղաքական բնույթ կրող փաստաթղթերի մշակումը, կազմել խմբակցության օրենսդրական նախաձեռնությունները, հարցապնդումները, վերլուծել իրավաքաղաքական իրադարձությունները, կազմել խմբակցության առաջարկները՝ խորհրդարան բերված կարևորագույն նախագծերի շուրջ։

2019-ից Լիբերալ քաղաքականության դպրոցի քարտուղարն է։

Լեզուներ՝ հայերեն (մայրենի), ռուսերեն (երկրորդ մայրենի), անգլերեն (ազատ տիրապետում), ֆրանսերեն (ազատ տիրապետում)։